Ýkraına prezıdenti Petr Poroshenko osy eldiń parlamenti - Joǵarǵy Radany taratyp, parlament saılaýyn 26 qazan kúni ótkizýge jarlyq shyǵardy. Bul sheshimi jaıly ol Twitter-de habarlaǵan.

Zań boıynsha, saılaý jarlyq shyqqan soń 60 kún ishinde uıymdastyrylýy tıis. Azattyq radıosynyń jazýynsha Poroshenko parlamentti taratýdan birneshe saǵat buryn telefonmen Eýropa keńesiniń prezıdenti Herman van Rompeımen sóılesken. Áńgime barysynda Poroshenko 25 tamyz kúni eldiń shyǵys bóligine reseılik tankiler kirgenine alańdaýshylyq bildirgen.

Búgin, 26 tamyz  Mınskide  Poroshenko Reseı prezıdenti Vladımır Pýtınmen jáne Eýropa Odaǵynyń (EO) syrtqy saıasat jónindegi joǵarǵy komısary Ketrın Eshtonmen kezdesýi tıis. Sondaı-aq Belarýs astanasynda "Keden Odaǵy-EO-Ýkraına" formatyndaǵy otyrys bolatyny da habarlanǵan. Oǵan Qazaqstan prezıdenti Nursultan Nazarbaev ta qatysady. Bul kezdesýlerde Ýkraına daǵdarysyn sheshý joldary qarastyrylady. Kıev pen Máskeý arasyndaǵy gaz problemasy da talqylanatyny aıtyldy. 

Qamshy-aqparat